地盤佬日誌:變幻原是永恆

地盤佬呢一樣職業絕對係一樣咩都唔穩定嘅工作。

地盤佬日誌-變幻原是永恆

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

地點變

正常一個地盤最多都係做幾年,一完地盤就多數人一定要散Band。就算係同一個地盤通常都只有部份管理層同埋大判嘅雜工先會由頭做到落尾。其他師傅多數最多留在同一個地盤都係一年半載,因為正常地盤多數工種都係一年半載做完,做完就齊齊撤退。加上好多判頭手上都有幾個地盤在手,長期打同一個老細工啲地盤佬好多時邊度忙就要去邊度打游擊。又有唔少地盤佬係打幾個判頭工,就邊度有野做就去邊。510x120-v3

工種變

正常情況下多數地盤佬都係得一種主要技能如釘板紥鐵等,裝修佬就多數有幾種技能如油漆木器雲石等,不過都有唔少裝修佬會入地盤做。

其實如果做地盤只係識一種工種好容易開工不足,因為成個建築行業係有周期性起落,例如有時構造多啲,有時打樁造多啲,有時裝修做多啲,如果咁啱你個飯工種呢輪唔多野做就好多師傅會揀轉其他工種做一做,如果冇第二專長嘅話就多數會轉做雜工一排。

▪地盤佬日誌:地盤臥虎藏龍

同事變

其實就算做文職啲同事都間唔中會有啲轉變(多數係幾個月先有一兩個同事轉工),不過地盤就唔同啦,基本上日日啲工友(同事)都可以唔同,點解?有時係因為同一層樓的工種成日唔同,有時可能係電燈仔同防水佬做同一間屋,聽日可能係電燈仔同水喉佬一齊做。有時係因為某啲工友會特然加入或消失,點解?加人就好簡單因為太多野做要追工期。

▪地盤佬日誌:地盤佬的最佳拍檔──搵食架生

人工變

日薪嘅地盤佬人工基本上係個個月都唔同,同一個師傅好景個時可以返足30日加0T倍半人工(特別情況仲有完工獎金),唔好景時可以一個月返得幾日工(幾個月食白果都見過)。所以有唔小師傅都會好天斬埋落雨柴,好景時幾辛苦都好,點都唔推job。我之前夾過班釘板佬、紥鐵佬起足幾十層樓,足足大半年多數人一日假都無放過,姐是連續返足二百幾日。(我自己比較廢連返六七十日就開始頂唔順)

▪地盤佬日誌——做地盤好好搵?

變好定唔好?

變有時係好,有時唔好。例如工作地點不停變可以令你去到多啲唔同嘅地方,食多啲唔同嘅平民美食。人工不停變就唔一定係好事了,好景時就無咩問題,但係唔好景時就濕滯啦。當連續幾個月人工得幾千蚊時(差啲可以係$0)心理壓力真係一啲都唔細,加上屋企隻老虎乸可能變咗嫦娥(日哦夜哦)真係人都癲。所以我奉勸你如果只係想穩穩定定咁生活,就最好唔好做地盤佬。

▪地盤佬日誌:「地盤佬食啲咩?」

 

港夫.李澳
香港土生土長,近年來移居澳門,一個熱愛畫畫的地盤工程師。開立了facebook page「港澳小不同」,通過圖文來與人分享我心中所想。

檢視此作者的所有文章

閱讀:

地盤佬日誌:大隻佬做地盤有着數?

港80後建築設計團隊到柬埔寨建學校 作品贏得「建築界奧斯卡」大獎

【工傷索償】工程、建造業界遇事故claim賠償必要清楚的事項

此文章由原作者及jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,原作者及jobsDB保留採取法律行動的權利。

 

想尋找你下一個機遇? 立即瀏覽jobsDB最新Building & Construction職位