哈佛教育碩士創香港首間兒童博物館 坦言:「想小朋友唔跟規矩﹗」

哈佛教育碩士創香港首間兒童博物館 坦言:「想小朋友唔跟規矩﹗」兒童探索博物館(Children’s Discovery Museum)有150多年的歷史,最早起源於美國,現時在台灣、北京、內蒙古、日本等亞洲城市都有,而香港唯一的那間坐落在北角,由幼兒教育工作者范本賢在2018年創立。原因很簡單,她說:「無理由咁多地方都有,香港無嘅!」

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

 

開創最難係大家都唔識  

什麼是兒童探索博物館?重點在於探索兩個字,是專門屬於小朋友的世界,每件展品都可以觸碰。兒童探索博物館流行於著重兒童早期教育的國家和地區,足足有300多間。目的在於讓小朋友在動手探索式體驗中認知世界,不斷激發孩子想像力、創造力等各種潛能。但在香港嗎,就沒什麼人認識啦!范本賢用了兩年半左右的時間籌備和打造博物館,最大的困難就是:「大家都唔知係咩!哈哈!」jobsDB-AI-搵工

港人對此的零認知,她在開公司銀行戶口時,銀行經理也摸不著頭腦,質疑公司種類,甚至懷疑是否洗黑錢。(哭笑)「連我合作了幾個月的裝修師傳也一直唔知,直到開幕前一星期,佢先驚嘆:原來唔係補習社!哈!哈!仲有好多朋友聽完都以為知道係咩,但實際開幕來到,先明確了解到係咩一回事,再同返我感概:唔怪得你之前咁忙。」

▪讀書壓力有幾大?輔導心理學家進駐補習社聽學童講心事

▪一個三十幾歲男人創業失敗的故事

真正的 Learning Through Play

「我一路從事幼兒教育,見到坊間好多Learning through Play嘅機構,最終形式都係大人指導的玩,而唔係小朋友自動去發揮的玩。研究指出小朋友主導的玩係好重要。於是,我就做一間探索博物館,希望真正咁做到遊玩中學習。」細數館內展品,每件有巧思,除了玩得、好玩,更重要是背後的教育意義。將博物概括地分為4個大區域:愛耗大自然、小工匠工作室、故事小舞台、漫遊小香港。好玩處多不勝數,小編當日兩大一小前往,大人也玩得盡興。館長笑說:「係啊!唔止小朋友玩得開心,好多大人都玩得好投入,有時要小朋友拉先捨得走,唔再玩!」

非傳統定義的展品,每樣都可以讓小朋友用手用腳用腦去探索,一邊玩,一邊學習。「每件展品都由我哋籌備和設計,既要諗吸唔吸引小朋友,又要有教育意義,更要考慮埋家長及學校。」

走入館內,七彩繽紛的世界,的確很吸引人去玩!例如一大艘滿佈機關的船,讓人盡情玩水,製造水龍捲、漩渦等現象時,親手了解到水的力量和運作原理。又例如「地形隨心塑」,小小沙池投影成地脈,藍色的海洋、綠色的綠野,棕色的山頂⋯⋯小朋友用雙手去改變地形,大大力一推,把地球搓圓撳扁!就是這樣,迅速投入遊玩,毋須刻意講解學了什麼知識,但在手把手探索玩耍的時候,自然而然累積不同的生活經驗,和關於地球的知識。

她再舉例笑說:「有個遊戲叫『向零度進發』,玩閂燈制閂水喉。但1個人閂唔到,因為閂完1個,另1個就會著返,而啲制位置有高有低,要大人細路一起玩,齊心合力先會成功。其實背後,就想俾大家知,環保需要大家嘅合作。」哈佛教育碩士創香港首間兒童博物館 坦言:「想小朋友唔跟規矩﹗」-1哈佛教育碩士創香港首間兒童博物館 坦言:「想小朋友唔跟規矩﹗」-2

▪【追夢者聯盟】自閉症資優兒玩轉腦朋友 志願當科幻作家

▪【追夢者聯盟】12歲共融程式設計師 望開發「有聲地圖」為失明者引路

沒有既定玩法全由小孩話事

展品新奇,走入當中,別以為有導師帶著玩唷!她笑說:「有時大人會問點解無人帶住玩?小朋友入到來就會問:『點玩啊?』佢地唔敢自己去玩,總認為要跟住規則,或者係等人規定咗範圍再去玩。好搞笑架,例如有一面牆係畀小朋友自由組合軌道碌波,如果前面有個小朋友架構好咗軌道,之後啲小朋友就會跟住。但其實摸索好過被指揮!」探索館的真諦就在於讓小朋友自由摸索,沒有規則,想怎樣玩就去玩。每個人都有不同的玩法!哈佛教育碩士創香港首間兒童博物館 坦言:「想小朋友唔跟規矩﹗」-3

好想好想好想每個小朋友都能玩

她曾在美國及香港的學校任教,持有哈佛大學的教育學院碩士學位及為美國馬薩諸塞州註冊(合資格)教師。將興趣和職業,甚至創業結合,為的當然不是謀利,只是想將探索館引入香港,讓香港的小朋友都能體驗這種遊玩為基礎的學習經驗和樂趣。「我哋係慈善機構呀!無政府資助,完全唔關政府事。成日有家長聽到博物館就以為我哋係政府搞,嚟到會講:要收錢㗎?咩咁細㗎?分咩時段啊?唯有得啖笑,向佢地解釋。佢地一聽到我哋自己搞,反而會講:咁算幾大喎……」面積6600尺,在港島區地鐵站鄰近的位置,算頗大的啦!(成本同樣大吧)

談及未來,願望很大,曾聽到小朋友大叫:「呢度好靚,係咪真係可以俾我哋玩?」總有些孩子家庭環境較差,很少機會接觸生活圈以外的世界,她希望日後能讓每個小朋友都有機會來到館裡自由探索。

 

閱讀:

STEM到底是甚麼?香港教育近年來的關鍵詞

【老師唔易做】合約與常額制教師之分別,畢業生想教書要做住TA先?

學好英文要靠NET?香港的英語老師不只聘請外國人,雙語人材更有優勢

此文章由原作者及jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案