乞客:五個唔make sense嘅優質客官金句

 乞客-五個唔make s…e嘅優質客官金句 

做餐飲嘅你其實除咗要了解客人需要,學林保怡哥哥靠微表情讀心之外,有時優質客官仲會講啲零邏輯性嘅問題,令你一度懷疑自己唔通有預測未來嘅能力?

jobsDB向全港二十個行業包活資訊及通訊科技界、教育及培訓界、廣告、媒體及出版界、互聯網及創企、飲食界等六千名從業員發出問卷調查,深入發掘他們對工作的期望。欲知更多香港打工仔的訴求,可參閱jobsDB引才法則 (Laws of Attraction) 互動網站的按需分析

金句1: 乜你唔知聽日有幾多walk-in 嘅咩? 



聽得多電話嘅你都應該聽過呢句唔少,好多客人都會打嚟問你聽日full 唔 full,唔係向你訂座喎,係walk-in full 唔 full呀。唔係問你平時full 唔 full,係聽日!有時仲好多fun 問埋exactly聽日個時間,你覺得12點半同1點邊段時間walk-in 好?呢啲中伏問題,真係要好小心答,一陣你話12點半好啲佢真係walk-in 無枱就……


金句2: 你賣晒唔一早同我講?


其實而家香港地四通八達,無乜咩叫山長水遠嘅,不過好多客官有時得不到想要嘅東西,就好鍾意撻一句你唔一早同我講!?有啲仲要係walk-in真係好趣怪⋯⋯即係大佬你嚟之前我要stalk定你話你知我啲嘢賣晒啦。但問題係我又點會知啲嘢幾時賣晒?

金句3:我而家唔係客咩!?Request咗大晒呀?

餐廳最搶手、日日都有人request坐嘅窗口位/卡位,啲walk-in客官見到無人坐就會自動覺得佢可以坐,就算你大大個reserved牌棟喺度佢都視若無睹。因為佢哋嘅腦電波停留喺原始時代,唔知咩叫訂座、request,只會知咩叫先到先得。然後你嘗試同佢解釋客人幾日前request咗㗎啦,佢一係就話我唔係客咩你歧視我呀?或者佢會好厚面皮話 request咗你唔識同個客講我訂先㗎?雖然request咗真係唔一定guarantee有,但唔request嘅仲要walk-in嘅就好大機會無份囉。同埋我點解要得罪個confirm晒又乖乖book咗枱嘅客而去幫一個滿面皺紋鬧緊我嘅walk-in客?


 ▪【衝出吧檯】做首席調酒師不簡單 需設計調酒配方計好成本

 ▪50句飲食業者最憎嘅麻煩客說話,你聽過幾多句?

金句4:點解而家唔可以叫下午茶呀!

一般嚟講呢午餐都會貴過下午茶餐嘅,而知慳識儉嘅客官好鐘意唔會理會時間嘅差別,喺午餐時份要求要叫下午茶餐,話就話個午餐唔啱心水,實質只係想慳錢。好多時候訂立套餐都係方便返廚師炒場,下午茶餐嘅食物有機會用到唔同設備又有唔同處理時間,例如一啲窩夫機。所以,唔係你話想食想有就做到,都要睇下廚房忙唔忙同畀唔畀。加上,午餐單頭200蚊都full house,點會畀你食個60蚊都唔洗嘅下午茶嚟霸我一張枱呢,真係唔make sense囉。


金句5:你無位唔識叫啲客起身嘅咩?

有啲自以為王嘅客人呢,就好鐘意講呢句說話,尤其係啲成日唔book枱嘅VIP。你係絕對不能夠同佢講滿座!因為高尚嘅佢專程光臨你間餐廳,佢係expect你老遠都感受到佢嘅氣場而喺佢踏入門口就應該準備好佢嘅VIP座位,門口位佢唔坐㗎!但問題係人哋同你都係客仲要nice又nice過你,regular又regular過你,有啲仲要係真係專登訂枱嚟食飯,點會有可能出聲叫人起身讓畀你坐呀?你估關愛座咩?同埋你真係當自己大王呀?安德尊你都唔係呀!

 乞客:優質經理唔易做之五大條件!

 【酒店兼職當旺】「418條款」約束工時 炒散人士願打多幾份工

仲有啲問點解唔用得張過期coupon呀、明明間餐廳做西餐走嚟問你有無白粥賣呀、問佢要still定sparkling就答你要揸車呀⋯⋯等等嘅好多金句真係不能盡錄。大家同呢啲唔make sense嘅客官溝通真係要小心為上。不過,就算你做啱晒好有禮貌咁對答,佢都一樣有機會會投訴你。因為佢投訴人都唔需要make sense㗎嘛!對不對!

店小二Mary
90後大學設計系畢業,任職餐飲接近10年,初初做飲食純粹玩吓做吓炒散,到試過做office工,反而鍾意做返侍應。10年嚟serve過唔少經典麻煩客人,故開設FB專頁「乞客The Beggar in the Restaurant」,分享餐廳搞笑事及職場嘅各種心酸屎。

閱讀:

乞客:優質經理唔易做之五大條件!

乞客:我唔知你知唔知嘅餐飲業小知識

點解餐飲業咁難請人 茶餐廳老闆娘狂呻:「而家啲人鍾意炒散多過全職﹗」

此文章由原作者及jobsDB HK撰寫/編輯。如欲刊登於其他網站或刊物,請電郵至Editor@jobsDB.com與我們聯絡。如有發現侵犯版權,原作者及jobsDB保留採取法律行動的權利。

無時間搵工但又想工搵你? 立即建立你的jobsDB檔案

無時間搵工但又想工搵你? 立即更新你的jobsDB檔案